2025-ci ildə Azərbaycanda listinqdə olan şirkətlərin bazar kapitalizasiyası 2,67 milyard manat təşkil edib.

"Report" bu barədə "Bakı Fond Birjası" QSC-yə (BFB) istinadən xəbər verir.

Məlumata görə, bu da, 2024-cü illə müqayisədə 3,6 % azdır.

BFB qeyd edib ki, sektor bölgüsündə maliyyə sektoru üstün mövqedə qalaraq ümumi kapitalizasiyanın 99%-ni təşkil edib, real sektorun payı isə cəmi 1% olub, və bu bazarda diverfikasiyaya olan ehtiyacı göstərməkdədir. Bazar kapitalizasiyası əsasən iri şirkətlərdə cəmlənib: kapitalizasiyası 100 milyon manatdan yuxarı olan 7 şirkət ümumi bazar dəyərinin 88%-ni, 10-100 milyon manat arası 6 şirkət 11,1 %-ni, 10 milyon manatdan aşağı isə 23 şirkət 0,9 %-ni təşkil edib.

2024-cü ildə həyata keçirilmiş ilk IPO-dan sonra 2025-ci ildə Azərbaycanın səhm bazarında aktivlik əsasən təkrar bazar ticarəti hesabına formalaşıb. Təkrar bazarda ticarət həcmi 12,5 milyon manatdan 15,8 milyon manata yüksəlmişdir ki, bu da investor aktivliyinin sabit qaldığını göstərir.

Oxşar xəbərlər

"Bakı Fond Birjası"nda listinqdə olan şirkətlərin kapitallaşması açıqlanıb

Azərbaycanda tədavüldə olan dövlət istiqrazlarının ümumi məbləği 47 % artıb

Azərbaycanda ötən il neft-qazın bazar qiymətləri büdcə qiymətlərindən az olub

Ötən il Qarabağ Dirçəliş Fonduna 80 milyon manatdan çox vəsait ianə olunub

Azərbaycan sığortaçıları məcmu aktivlərini 15 % artırıb