Azərbaycanda vergi qanunvericiliyinə "fintex" anlayışının daxil edilməsi müzakirə edilib.

"Sizinxeber.az" bu barədə İqtisadiyyat Nazirliyi yanında Dövlət Vergi Xidmətinə (DVX) istinadən xəbər verir.

Məlumata görə, müzakirələr DVX-nin Vergi siyasəti baş idarəsi ilə "Azərbaycan Fintex Assosiasiyası" İctimai Birliyinin üzvləri arasında görüşdə aparılıb.

Görüşdə bildirilib ki, sahibkarlıq assosiasiyaları ilə keçirilən görüşlər biznes mühitində mövcud çağırışların operativ şəkildə müəyyənləşdirilməsi və effektiv həll mexanizmlərinin formalaşdırılması baxımından mühüm əhəmiyyət kəsb edir.

Görüş zamanı fintex şirkətlərinin nümayəndələri sektorda mövcud vəziyyət və inkişaf perspektivləri barədə məlumat verərək sahənin inkişafı üçün əhəmiyyətli hesab etdikləri təklifləri səsləndiriblər. Müzakirələr zamanı "Fintex" anlayışının qanunvericilikdə təsbiti, eləcə də ödəniş və maliyyə xidmətləri ilə bağlı məsələlər əsas müzakirə mövzuları olub.

Oxşar xəbərlər

Azərbaycanda rəqəmsal ödəniş infrastrukturunun daha da təkmilləşdirilməsi müzakirə edilib

Türk Dövlətləri Fintex Alyansı yaradılıb

Azərbaycan İsveçrə ilə vergi üzrə yeni əməkdaşlıq imkanlarını müzakirə edib

Azərbaycan BOKT-ları vergi azadolmalarına dair təkliflər irəli sürüb

Azərbaycan fintexlərinin I rübdəki fəaliyyətinin nəticələri müzakirə olunub