Beynəlxalq Maliyyə Korporasiyası (IFC) Azərbaycanın İqtisadiyyat Nazirliyi ilə birlikdə ölkədə Dövlət-Özəl Tərəfdaşlığı (PPP) layihələrinin icrasının asanlaşdırılması üzrə strategiya hazırlayacaq.

"Report" xəbər verir ki, bu barədə Azərbaycan Nazirlər Kabinetinin 2025-ci ilin yekunlarına dair hesabatında bildirilir.

Bundan başqa, IFC bu istiqamətdə əməkdaşların potensialının artırılmasında nazirliyə dəstək göstərəcək, bu məqsədlər üçün 212,5 min ABŞ dolları vəsait ayıracaq.

Yaxın 5 ildə IFC Azərbaycan üzrə maliyyələşdirməni 200-500 milyon ABŞ dollarına çatdıra bilər.

Xatırladaq ki, IFC son 30 ildə 60-dan çox layihənin maliyyələşdirilməsi üçün Azərbaycana 800 milyon ABŞ dollarından çox investisiya yatırıb. IFC-nin kapitalında ölkənin payı 0,12 %-dir (28 852 səhm), hökumət bu səhmlərə abunə yazılışı üçün 21,516 milyon ABŞ dolları ödəyib.

Oxşar xəbərlər

Azərbaycan 2025-ci ildə həmtəsisçi olduğu beynəlxalq investisiya və inkişaf fondlarına 270 milyon manat ayıracaq

İsveçrə Azərbaycana birbaşa investisiyaları 5 dəfə artırıb

Kanada Ukraynaya 305,7 milyon dollarlıq hərbi yardım göstərəcək

“Aqroeksport”: Azərbaycan 2027-ci ilə qədər ev heyvanları üçün yem idxalını 40 %-dən çox artıracaq

IMF Azərbaycanın 2031-ci ilə qədər mal və xidmətlərin ixracı və idxalı üzrə proqnozlarını açıqlayıb