Kahramanmaraşda 13 yaşlı yeniyetmə 55 saat sonra dağıntılar altından əlində tutuquşu ilə sağ çıxarıldı – FOTO
Türkiyənin Kahramanmaraş şəhərində zəlzələdən 55 saat sonra 13 yaşlı yeniyetmə dağıntılar altından xilas edilib.
Bu zaman onun əlində tutuquşu olub.
Xilasedicilər dağıntılar altından səs gəldiyini eşidərək axtarış-xilasetmə işlərinə başlayıblar. Təxminən üç saatdan sonra Berat adlı yeniyetməyə çata biliblər. Onun əlində tutuquşunun olduğunu görüblər.
Berat təcili yardım maşınına mindirildiyi zaman xalasını görüb və tibb işçilərindən dayanmalarını istəyib, əlindəki quşu xalasına verib.
Beratın xalası quşu bağrına basıb, sonra ətrafdan tapdığı çörəklə bəsləyib və şüşə qapağından ona su içirdib.
Berat Sarı isə xəstəxanaya yerləşdirilib.
Mənbə: Haber Global
