Sizin Reklamınız Burada ola bilər!
İlham Əliyevə təqdim olunan hücum pulemyotu - XÜSUSİYYƏTLƏRİ + FOTO
İlham Əliyevə təqdim olunan hücum pulemyotu - XÜSUSİYYƏTLƏRİ + FOTO

İlham Əliyevə təqdim olunan hücum pulemyotu – XÜSUSİYYƏTLƏRİ + FOTO

İlham Əliyevə təqdim olunan hücum pulemyotu – XÜSUSİYYƏTLƏRİ + FOTO
Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev Xüsusi Təyinatlı Qüvvələrin yaradılmasının 23-cü ildönümü münasibətilə aprelin 30-da Müdafiə Nazirliyinin Xüsusi Təyinatlı Qüvvələrinin “N” saylı hərbi hissəsində olub.
Oxu.Az xəbər verir ki, hərbi hissədə Xüsusi Təyinatlı Qüvvələrin komandanı, general-leytenant Hikmət Mirzəyev Ali Baş Komandan İlham Əliyevə HP-7.62 hücum pulemyotunu təqdim edib. 
HP-7.62 pulemyotu Azərbaycan istehsalı yüngül pulemyotdur. Silah ilk dəfə 2012-ci ilin sonlarında ictimaiyyətə təqdim olunub.
HP-7.62 tipli yüngül hücum pulemyotu qısa məsafəli döyüşdə düşmənin canlı qüvvəsini məhv etmək və atəş vasitələrinə zərər vurmaq üçün nəzərdə tutulub. Bu pulemyot kəşfiyyat və xüsusi təyinatlı qüvvələrin silahlandırılması üçün nəzərdə tutulan qısa məsafələrdə yüksək effektivliyə malik silah sistemi hesab edilir.
Hücum pulemyotunun çapı 7.62 mm, nişangah məsafəsi 1 000 metr, ümumi uzunluğu qundaq açıq vəziyyətdə 1 080 mm, qundaq qapalı vəziyyətdə 980 mm, lülə uzunluğu 517 mm, maksimum atəş tezliyi dəqiqədə 650-750 ədəd  güllə, səmərəli döyüş atəş tezliyi dəqiqədə 250 ədəd mərmi, kütləsi isə 8,2 kq-dır. Silahın etibarlılıq müddəti 25 000 dəfə atəş açmaq üçün yetərlidir. 
Silahın qutusu 100-200 patron üçün nəzərdə tutulub. Güllənin uçmasının öldürmə uzaqlığı maksimum 3 100 metrdir.
İntensiv atəş zamanı qızan lülədən yaranan isti hava axınının nişanalmaya təsirini azaltmaq üçün lülənin üzərində istilik yayıcı tətbiq olunub. Pulemyotun əl qundağı yüksək möhkəmliyə malik alüminium ərintidən hazırlanıb. Uzunluğu nizamlanan və yanağın qurulmasına imkan verən plastik qundağa sahib HP-7.62 pulemyotundan atəş qısa (10 atışa qədər), uzun (30 atışadək) qatarlarla və fasiləsiz aparıla bilər. 
Pulemyotda ayaq üstü atışlar zamanı atıcıya maneə yaratmamaq üçün xüsusi dizayna malik xəzinə hazırlanıb. Bundan başqa, silahda xüsusi dizayna malik dəstəkdən istifadə edilib ki, bu həm dayaq, həm də ayaqüstü atışlarda dəstək kimi istifadə olunur.

Samir İsayev

Sizinxeber.Az

0
_la_x_b_r
Əla Xəbər
0
k_d_rli
Kədərli
0
_s_bil_di
Əsəbiləşdi
0
t_cc_bl_ndim
Təəccübləndim
İlham Əliyevə təqdim olunan hücum pulemyotu – XÜSUSİYYƏTLƏRİ + FOTO

Sizin e-poçt ünvanınız dərc edilməyəcəkdir.

Giriş Yap

Yandex.Metrica