Son zamanlar ölkədə media subyektləri bəzi kiberhücumlara məruz qalıb.

“Sizinxeber.az-Economics” xəbər verir ki, bunu media nümayəndələri üçün kibertəhlükəsizlik mövzusunda keçirilən təlimdə Elektron Təhlükəsizlik Xidmətinin Kibertəhlükəsizliyin idarə edilməsi sektorunun aparıcı məsləhətçisi Sənan Vəlizadə deyib.

O bildirib ki, media qurumlarının məruz qaldığı hücumlar içində ilk yerdə fişinq hücumları dayanır:

“Fişinq hücumların 80-90%-i “initial access” dediyimiz ilkin başlanğıc fişinq hücumları nəticəsində olur. İnsan faktoru və ani bir diqqətsizlik böyük bir media orqanının infrastrukturunun sıradan çıxmasına gətirir. Digər sırada sosial media hesablarının ələ keçirilməsi gəlir. Biz bu hal ilə də çox rastlaşmışıq. Bir çox media subyektinin sosial media hesabları ələ keçirilir və orda yanlış xəbərlər yayılır. Sonrakı sırada DDoS hücumları gəlir. Bu daha çox xidmətin dayandırılması hücumudur. Burda qəsdli şəkildə həmin subyektin fəaliyyətinin dayandırılması hədəflənir. Sonrakı sırada məlumat sızmaları var ki, bəzi media qurumlarında təhlükəsizlik tədbirlərinə riayət edilmədiyinə görə məlumatlar əvvəlcədən sızdırılır”.

Oxşar xəbərlər

ETX: Azərbaycanda media qurumları ən çox fişinq hücumlarına məruz qalırlar

Media nümayəndələri üçün kibertəhlükəsizlik mövzusunda təlim keçirilir

XRİTDX-nin rəis müavini: Media qurumları kibertəhlükəsizlik məsələlərində diqqətli olmalıdır

Dövlət Xidməti: Kibercinayətkarlar daha çox fərdi istifadəçiləri hədəf alır - FOTO

ETX: İnformasiya təhlükəsizliyi ilə bağlı minimal kibertəhlükəsizlik tələbləri formalaşdırılır