“Huawei” və “China Unicom” telekommunikasiya şirkətləri Çinin Hebey əyalətinin Sünan rayonunda ilk 10G genişzolaqlı şəbəkəni işə salıblar.

“Sizinxeber.az” xəbər verir ki, bu barədə yerli “Mydrivers” nəşri məlumat yayıb.

“10G genişzolaqlı əlaqənin tətbiqi dünyada lider olan 50G PON həllinə əsaslanır. Optik lifli giriş şəbəkəsinin əsas arxitekturasının təkmilləşdirilməsi sayəsində bir istifadəçi üçün buraxılış qabiliyyəti ənənəvi giqabit səviyyəsindən 10G səviyyəsinə qədər artır, şəbəkədəki gecikmə isə millisaniyələr səviyyəsinə qədər azalır”, – məqalədə bildirilib.

Qeyd olunub ki, yeni şəbəkəyə qoşulmuş istifadəçilərdən birinin evində internetdən yükləmə sürəti 9 834 Mbit/s-ə çatıb. Məlumat göndərmə sürəti 1 008 Mbit/s təşkil edib, bu zaman gecikmə "sabit şəkildə" cəmi üç millisaniyə olub.

Oxşar xəbərlər

Azərbaycanda internet bahalaşır

Çində ilk 10G genişzolaqlı şəbəkə istifadəyə verildi

Azərbaycanda genişzolaqlı internetin orta illik sürəti 1,4 dəfə artıb

Regionda ən pis mobil internetin Ermənistanda olduğu müəyyən edilib  

Qiymətlər artır, keyfiyyət azalır: Hər kəsə internet lazımdır?