Sizinxeber.az – Azərbaycan Xəbərləri

“Nokia” yeni “2720 Flip” modelini təqdim edib – Video

“Nokia” yeni “2720 Flip” modelini təqdim edib – Video
10 dəfə Baxılıb
11 Sentyabr 2019 - 1:02

“Nokia” şirkəti qatlanıb açılan “Nokia 2720 Flip” modelini buraxılışını elan edib. TASS xəbər verir ki, bu barədə “Nokia” markasının hüquqlarına malik “HMD Global” şirkətinin saytında yayılmış press-relizdə bildirilir. Telefon Berlindəki beynəlxalq IFA elektronikası sərgisində nümayiş etdirilib. “Nokia 2720 Flip” 2,8 düym ekranına malikdir, “WhatsApp” və “Facebook” da daxil olmaqla, müasir proqramları dəstəkləyir. Bundan başqa, ona “Google”dən səs assistenti müəyyən edilib. Qurğunun üz tərəfində həmçinin kiçik ekran var. Qeyd edilir ki, “Nokia 2720 Flip” özündə əvvəlki “qatlanıb-açılma” dizaynını, sadəliyi və etibarlılıq dizaynını birləşdirir. Yeni modelin satışına bu ay başlanılacaq. O göy, qara və çəhrayı rənglərdə satışa buraxılacaq. “HMD Global”-ın bildirdiyinə görə, yeni modelin qiyməti 89 avro təşkil edəcək. (report)

© Sizinxeber.az, 2016—2019Məlumatdan istifadə etdikdə istinad mütləqdir. (055) 501-17-11, [email protected]