"Bu gün bəzi internet telekommunikasiya operator və provayderlərinin xidmətlərində müvəqqəti ləngimələr müşahidə olunub".

Sizinxeber.Az xəbər verir ki, bu barədə Rəqəmsal İnkişaf və Nəqliyyat Nazirliyinin Mətbuat Xidmətindən məlumat verilib.

Qeyd edilib ki, ölkəyə internet trafiki təqdim edən əsas "backbone" operatorlardan biri olan "Delta Telekom"a qarşı DDoS tipli genişmiqyaslı kiberhücum həyata keçirilib.

"Rəqəmsal İnkişaf və Nəqliyyat Nazirliyi tərəfindən ölkəmizdə internet xidmətlərinin davamlılığı planı çərçivəsində internet provayderləri dərhal alternativ "backbone" operatorlarının şəbəkəsinə yönləndirilib.

Qısa müddət ərzində istifadəçilərin internetə çıxışı təmin olunub.

Atılan addımlar nəticəsində "Delta Telekom"a qarşı kiberhücumun qarşısı qısa müddət ərzində alınıb. "Delta Telekom"un xidmətləri bərpa olunub", - deyə qurumdan bildirilib.

Oxşar xəbərlər

RİNN: İnternetlə bağlı problemin səbəbi kiberhücum olub

Bakıda internetlə bağlı yaranan problemin səbəbi açıqlanıb

Maşın qiymətinə olan telefon nömrələri satışa çıxarıldı - SİYAHI

Azərbaycanda internet operator və provayderlərin veb-saytlarının təhlilinin nəticələri açıqlanıb

İnternet operator və provayderlərinin veb-saytlarında çatışmazlıqlar aşkarlanıb