Bu gün bəzi internet telekommunikasiya operator və provayderlərinin xidmətlərində müvəqqəti ləngimələr müşahidə olunub.

Bu barədə "APA-Economics"ə Rəqəmsal İnkişaf və Nəqliyyat Nazirliyindən (RİNN) bildirilib.

Məlumata görə, ölkəyə internet trafiki təqdim edən əsas "backbone" operatorlardan biri olan "Delta Telekom"a qarşı DDoS tipli genişmiqyaslı kiberhücum həyata keçirilib.

Rəqəmsal İnkişaf və Nəqliyyat Nazirliyi tərəfindən ölkəmizdə internet xidmətlərinin davamlılığı planı çərçivəsində internet provayderləri dərhal alternativ "backbone" operatorlarının şəbəkəsinə yönləndirilib.

Qısa müddət ərzində istifadəçilərin internetə çıxışı təmin olunub.

Atılan addımlar nəticəsində "Delta Telekom"a qarşı kiberhücumun qarşısı qısa müddət ərzində alınıb. "Delta Telekom"un xidmətləri bərpa olunub.

Oxşar xəbərlər

RİNN bayram günlərində gücləndirilmiş iş rejimində fəaliyyət göstərəcək

Azercell: Masallıda şəbəkənin fəaliyyəti təmin edilib

İnternet operator və provayderlərinin veb-saytlarında çatışmazlıqlar aşkarlanıb

Azərbaycanda ən çox şikayət olunan internet provayderlər açıqlanıb - SİYAHI

“Açıq kitabxana” genişzolaqlı internetlə təmin edilib