Bu ilin I rübündə “.az” domen zonasında fəaliyyət göstərən 60 veb-resursa haker müdaxiləsi qeydə alınıb.

“Sizinxeber.az” bu barədə “CYBER ON” şirkətinin apardığı monitorinq nəticəsinə istinadən xəbər verir.

Araşdırmalara əsasən, kibermüdaxilələrin 42 %-i təhlükəsiz kodlaşdırmanın düzgün aparılmaması, 58 %-i isə server sazlamalarının düzgün qurulmaması ilə bağlı olub.

Bundan əlavə müəyyən edilib ki, hücumların 18-i serverə, 13-ü isə kod səviyyəsində müdaxilələrlə bağlı olub. Qalan 29 halda isə hücumun mənbəyini və üsulunu müəyyən etmək mümkün olmayıb. Eyni zamanda, məlum olub ki, haker hücumuna məruz qalan 6 veb-resurs əvvəlki zəifliklər aradan qaldırılmadığı üçün təkrarən hədəfə çevrilib. Bu hallarda məsul şəxslər mövcud çatışmazlıqların aradan qaldırılması üçün effektiv tədbirlər görməyiblər.

Kibermüdaxilə halları aşkarlanan veb-resursların ölkələr üzrə statistikasına nəzər saldıqda onların 82 %-nin ABŞ, 5 %-nin Almaniya, 5 %-nin Azərbaycan, 4 %-nin Rusiya, 4 %-nin İngiltərədə saxlanıldığı (Hosting) müəyyən olun

Qeyd olunub ki, kiberhücumların 58 %-i server sazlamalarının düzgün aparılmaması və resurslar arasında təhlükəsiz seqmentasiyanın təmin olunmaması ilə bağlıdır. Bu xüsusda, “shared hosting” (ortaq server istifadəsi) xidmətindən yararlanan şirkətlərə xüsusi diqqətli olmaları tövsiyə olunur.

Oxşar xəbərlər

BelTA haker hücumuna məruz qalıb

Nəhəng aviaşirkətin müştəri bazası haker hücumuna məruz qalıb

Almaniyanın SWMH media şirkəti haker hücumuna məruz qalıb

Çinin haker qrupu ABŞ-nin telefon dinləmə sistemlərinə hücum edib

“Global Media Group”un onlayn resurslarına kütləvi haker hücumu olub