Rəşad Nəbiyev WSIS+20 Yüksək Səviyyəli Sammitində iştirak edib

Rəqəmsal inkişaf və nəqliyyat naziri Rəşad Nəbiyev Cenevrədə Beynəlxalq Telekommunikasiya İttifaqının “İnformasiya Cəmiyyəti üzrə Ümumdünya Sammiti (WSIS)+20 Yüksək Səviyyəli Tədbir 2025” çərçivəsində təşkil edilən nazirlərin dəyirmi masasında iştirak edib.

"Sizinxeber.az-Economics" xəbər verir ki, tədbirdə çıxış edən Rəşad Nəbiyev BMT-nin Elektron Hökumətin İnkişafı İndeksində Azərbaycanın doqquz pillə irəlilədiyini və elektron hökumətin çox sürətlə inkişaf etdiyi ölkə statusuna nail olduğunu, qlobal Kibertəhlükəsizlik İndeksində MDB ölkələri arasında birinci yerdə qərarlaşdığını diqqətə çatdırıb.

Nazir bildirib ki, region dövlətlərindən ilk dəfə məhz Azərbaycanda Milli Süni İntellekt Strategiyası hazırlanıb.