Milli Hidrometeorologiya Xidmətinin məlumatına əsasən Milli Hidrometeorologiya Xidmətinin mayın 24-ü saat 12:00-a olan məlumatına əsasən ölkə ərazisinin bəzi yerlərində arabir şimşək çaxıb, yağış yağıb.

Xidmətdən Sizinxeber.az-ya verilən xəbərə görə, ayrı-ayrı yerlərdə yağıntılar intensiv xarakterli olub.

Düşən yağıntının miqdarı Qaxda 47, Xaltanda (Quba) 16, Gədəbəydə 12, Naxçıvanda 9, Daşkəsəndə 8, Qusarda 5, Şahbuz, Kişçayda (Şəki) 4, Altıağacda 3, Gəncə, Tovuz, Naftalanda 2, Goranboy, Ağstafa, Şəmkir, Zaqatala, Balakən, Xaçmaz, Şabran, Ordubad, Şahdağda 1 mm-dək qeydə alınıb.

Mayın 23-də saat 18:45-18:50 radələrində Ağstafa rayonuna, saat 21:02 radələrində Şəmkir rayonu Daşbulaq kəndinə, saat 21:27 radələrində isə Gədəbəy rayonunun Qoşabulaq, Pərizamanlı, Samanlıq kəndlərinə xırda dənəli dolu düşüb.

Havanın maksimal temperaturu Bakıda və Abşeron yarımadasında 26, Naxçıvan MR-da 29, Aran rayonlarında 28, dağlıq rayonlarda isə 17 dərəcəyədək isti qeydə alınıb.

Oxşar xəbərlər

FAKTİKİ HAVA: Bəzi yerlərdə şimşək çaxıb, yağış yağıb, dolu düşüb

Laçın və Daşkəsənə dolu düşüb - FAKTİKİ HAVA

Bəzi yerlərdə intensiv yağış yağır, dolu düşüb-FAKTİKİ HAVA

Bəzi rayonlara leysan, Şahdağa qar yağıb, Naxçıvana və Şahbuza dolu düşüb

Bəzi yerlərə qar yağıb, dolu düşüb - FAKTİKİ HAVA