Yevlaxda 91 yaşlı qadın yanaraq ölüb

Yevlaxda 91 yaşlı qadın yanaraq ölüb.

"Report" xəbər verir ki, 1935-ci il təvəllüdlü, Xaldan qəsəbəsində tək yaşayan Əhmədova Zümrüd Sabit qızı yaşadığı evin həyətyanı sahəsində su qızdırmaq üçün ocaq yandıran zaman üzərində olan geyimlərinin yanması nəticəsində müxtəlif dərəcəli yanıq xəsarətləri alıb.

Ahıl qadın xəstəxanaya yerləşdirilsə də, orada ölüb.

Faktla bağlı Yevlax rayon prokurorluğunda araşdırma aparılır.