ABŞ-nin Pensilvaniya Universitetinin alimləri gözlənilməz kəşf ediblər: onlar enerji sərf etmədən atmosferdən suyu çıxara bilən yeni nanostrukturlu material tapıblar.

"Report" xəbər verir ki, bu barədə araşdırma "Science Advances" (SciAdv) elmi jurnalında dərc olunub.

Hidrofilik nanoporlar və hidrofobik polimerlərlə aparılan təcrübələr zamanı mütəxəssislər izaholunmaz bir fenomen görüblər — materialın səthində kortəbii olaraq su damlaları əmələ gəlib. Onun hidrofilik məsamələri aşağı rütubətdə də nəmi kondensasiya edir və hidrofobik polietilen suyu səthə itələyir.

Xüsusi struktur davamlı bir dövr yaradır: buxar – məsamələrdə kondensasiya, damcıların əmələ gəlməsi – havadan nəm ehtiyatının doldurulması. Eyni zamanda, damcılar termodinamika qanunlarına zidd olaraq buxarlanmır.

Materialın tərkibinin sadəliyi (adi polimerlər və nanohissəciklər) texnologiyanı səhralarda passiv su təchizatı sistemləri, elektronikanın enerjiyə qənaətlə soyudulması və rütubətə cavab verən “ağıllı” örtüklərin yaradılması üçün perspektivli edir.

Alimlər materialı kütləvi istehsal üçün optimallaşdırmaq üçün tədqiqatları davam etdirirlər.

Oxşar xəbərlər

Alimlər mikroplastiklərin hava və iqlimə mənfi təsirini aşkarlayıblar

Alimlər Yer kürəsində ilk canlı hüceyrələrin yaranmasının sirrini açıblar

Alimlər Günəş sistemindən kənarda su tapıblar

Alimlər dəniz suyu içə bilən meymunlar aşkarlayıblar

Alimlər içməli suyu təmizləyən yeni mikrob kəşf ediblər