Azərbaycan Dövlət Pedaqoji Universitetinin (ADPU) nümayəndə heyəti Türkiyədə işgüzar səfərdədir.

"Report" xəbər verir ki, səfər çərçivəsində heyət ilk olaraq Azərbaycanın Türkiyədəki səfirliyində olub.

Nümayəndə heyətini səfir Rəşad Məmmədov qəbul edib. Görüş zamanı ADPU nümayəndələri Türkiyə universitetləri ilə mövcud və gələcək əməkdaşlıqlar, ortaq layihələr və təcrübə mübadiləsi barədə məlumat veriblər.

Həmçinin Azərbaycan və Türkiyə arasında təhsil sahəsində əlaqələrin möhkəmləndirilməsi istiqamətində fikir mübadiləsi aparılıb.

ADPU-nun nümayəndə heyətinə universitetin rektoru professor Cəfər Cəfərov, beynəlxalq əlaqələr üzrə prorektor professor Mahirə Hüseynova, Filologiya fakültəsinin dekanı dosent Könül Həsənova, Müasir Azərbaycan dili kafedrasının müdiri dosent Könül Səmədova və Beynəlxalq əlaqələr şöbəsinin müdiri Günay Məhərrəmova daxildir.

Görüşdə iki ölkənin ali təhsil müəssisələri arasında əməkdaşlığın genişləndirilməsi və ortaq təşəbbüslərin dəstəklənməsi məsələləri də müzakirə edilib.

Oxşar xəbərlər

AZAL THY ilə biznes tərəfdaşlığını gücləndirməyi müzakirə edib

Azərbaycan-Türkiyə iqtisadiyyat və ticarət əməkdaşlığına dair fikir mübadiləsi aparılıb

Milli Məclis yanında Toponimiya Komissiyasının tərkibi dəyişib

Müdafiə Nazirliyinin hərbi hüquqşünaslarından ibarət nümayəndə heyəti Türkiyəyə işgüzar səfər edib

Azərbaycan və Türkiyə arasında hərbi əməkdaşlıq məsələləri müzakirə edilib