ADA Universitetində tələbələr üçün yeni ixtisaslar açılacaq və müasir tədris binaları istifadəyə veriləcək.

"Report" xəbər verir ki, bunu ali təhsil müəssisənin rektoru, səfir Hafiz Paşayev Məzun günündə deyib.

Onun sözlərinə görə, qarşıdakı illərdə ADA Universiteti daha da genişlənəcək.

Qeyd edək ki, ümumilikdə 2024-2025-ci tədris ili üzrə ADA Universitetindən 509 bakalavr və 275 magistr olmaqla 784 tələbə məzun olub.

Bakalavriat və magistratura səviyyələrində 23 ixtisasdan məzun olan tələbələrin 732-si yerli, 52-si isə əcnəbi tələbələrdir. Əcnəbi məzunlar ABŞ, Gürcüstan, Efiopiya, Esvatini, İran, Konqo, Livan, Latviya, Meksika, Mərkəzi Afrika Respublikası, Mozambik, Nigeriya, Özbəkistan, Qana, Qazaxıstan, Pakistan, Rusiya Federasiyası, Slovakiya, Sudan, Tacikistan, Ukrayna, Yəmən, Zambiya, Zimbabve kimi ölkələri təmsil edirlər.

Oxşar xəbərlər

47 əcnəbi tələbə Azərbaycanda təhsil alacaq

Rektor: Qarabağ Universitetində yeni ixtisaslar və fakültələr yaradılacaq

Qarabağ Universitetində bütün ixtisaslar üzrə dərs cədvəlləri hazırlanıb

Azərbaycanda təhsil alan əcnəbi tələbələrin sayında 10 faiz artım olub

Cəlilabaddan olan yeddi məzun Qarabağ Universitetinin ilk tələbələrindən olacaq