Son günlər Bakı və ətraf ərazilərdə çəyirtkələrin artması əhalidə panika yaratmamalıdır, onlar insanlar hücum etmirlər.

Bunu "Report"a Zoologiya İnstitutunun “Tətbiqi Zooloji Mərkəzi”nin müdiri Barat Əhmədov son günlər çəyirtkələrin artması ilə bağlı yayılan məlumatlara münasibət bildirərkən deyib.

O qeyd edib ki, Abşeronda əsasən Misir çəyirtkəsi yayılıb:

"Bir neçə il bundan öncə də belə bir hadisə olmuşdu. Onlar daha çox qumluq ərazilərdə, dəniz kənarında, bulaqların kənarına çoxalırlar. Həmin ərazilərdə tikinti, əkin işləri aparıldığı üçün bu heyvanlarım qida rasionu azalıb. Beləliklə, hara gəldi uçurlar".

B.Əhmədov əlavə edib ki, bu çəyirtkələr başqa ərazidən gəlməyiblər:

"Bu heyvanlar elə bizim faunaya aiddir. Misir çəyirtkəsi bizdə əvvəllər də olub. Rütubətli havalarda onların nəsilartımı daha çox olur. Havaların birdən isinməsi səbəbindən onlar daha tez yumurtadan çıxıblar və artıblar".

B.Əhmədov qeyd edib ki, həmin həşəratların artması ilə bağlı hər hansı həyəcana ehtiyac yoxdur:

"Bu heyvanlar əsasən bitkilərlə qidalanırlar. Yaşadıqları areallarda işlər getdiyi üçün qida əraziləri itib. Əhalinin panika yaratmasına ehtiyac yoxdur. İnsanlara heç vaxt hücum etmirlər".

Oxşar xəbərlər

Zooloq: Gürzə ilanından başqa, digərlərinin suda olması insanlar üçün təhlükə yaratmır

Misirdə dizel və benzinin qiymətləri artıb

Qəzza zolağında hər gün 60-dan çox uşaq ölür

2024 proqnozu: Ölkələr yox olacaq, yüzlərlə şəhər...

Şöbə müdiri: Fransa idarəçiliyindəki ərazilərdə çox ciddi diskriminasiya mövcuddur