Məhkəmə-Hüquq Şurasının növbəti iclası keçirilib.

Bu barədə Sizinxeber.az-ya Şuradan məlumat verilib.

Bildirilib ki, iclasda çıxış edən Məhkəmə-Hüquq Şurasının sədri İnam Kərimov görülmüş işlər barədə ətraflı məlumat verib. Bildirilib ki, hazırda yeni nəsil hakim korpusunun çevik komplektləşdirilməsi məqsədilə hakimliyə namizədlərin seçim prosesləri şəffaf və təkmilləşdirilmiş mərhələlər üzrə davam etməkdədir.

İclasda Hakimlərin Seçki Komitəsinin müraciətinə də baxılıb. Komitənin sədri Vidadi Cəfərov hakim vəzifəsinə namizədlərin seçimi prosesi barədə məlumat təqdim edib.

Sonra müsabiqəni uğurla başa vurmuş 38 hakimliyə namizədlə fərdi söhbətlər aparılıb, onlara tövsiyələr verilib və yekunda birinci instansiya məhkəmələrinin hakimi vəzifələrinə təyin olunmaları üçün təkliflərin hazırlanması qərara alınıb.

Eyni zamanda təqaüdə yola salınan hakimlər uzun illər məhkəmə sistemində öz fəaliyyəti ilə ədalət mühakiməsinin səmərəliliyinin artırılmasına əhəmiyyətli töhfə verdiyinə görə fəxri fərmanla təltif ediliblər.

Daha sonra cari məsələlərə, o cümlədən hakimlər haqqında intizam icraatlarının başlanılması məsələlərinə baxılaraq müvafiq qərarlar qəbul edilib.

Oxşar xəbərlər

Məhkəmə-Hüquq Şurasının iclasında hakimliyə namizədlərlə fərdi söhbətlər aparılıb

Hakimlərin Qiymətləndirməsi Komitəsi və Məhkəmə-Hüquq Şurasının Apellyasiya Şurasının tərkibi formalaşıb

İnam Kərimov: 60-dək hakim yuxarı instansiya məhkəmələrinə irəli çəkilib

Azərbaycanda məhkəmə hakimlərinin sayı açıqlanıb

Hakimliyə namizədlər üçün tədris mərhələsinə başlanır