Qarabağ Universitetinin yaradılmasının bir illiyi münasibətilə Xankəndi şəhərində Qarabağ Universitetinin İncəsənət fakültəsi tərəfindən konsert-sərgi proqramına start verilib.

APA xəbər verir ki, yerli ictimaiyyət nümayəndələri, universitetin akademik müəllim heyəti və təhsil naziri Emin Əmrullayevin iştirak etdiyi tədbir dövlət himninin səsləndirilməsi ilə başlayıb.

Sonra universitetin rektoru Şahin Bayramov çıxış edərək tədbir iştirakçılarını salamlayaraq tədbir və universitet haqqında məlumat verib. Bundan sonra Emin Əmrullayev tribunaya çıxaraq tədbir iştirakçılarını salamlayıb, universitetinin kollektivinə gələcək fəaliyyətində uğurlar arzulayıb.

Tədbir Universitetdə çalışan incəsənət xadimlərinin çıxışları ilə davam edir. Tədbir proqramına uyğun olaraq incəsənət fakültəsinin yaradıcı heyətinin müəllifi olduğu sənət nümunələri sərgilənir.

Oxşar xəbərlər

Xankəndidə Qarabağ Universitetinin yaradılmasının ildönümü qeyd olunub - FOTO

Xankəndidə Qarabağ Universitetinin yaradılmasının birinci ildönümü qeyd edilib

Qarabağ Universitetinin incəsənət və turizm fakültələri Şuşaya, aqrar fakültəsi Xocalıya köçürüləcək

Qarabağ Universitetinin Rektoru: Hədəflərimizdən biri də tədqiqat əsaslı ali məktəb olmaqdır - FOTO

Prezident Qarabağ Universitetinin açılışında iştirak edib