Aptek təşkilatları icbari tibbi sığortada iştirak etmək hüququna malik olacaqlar.

APA-nın xəbərinə görə, bu, Milli Məclisin bu gün keçirilən iclasında müzakirəyə çıxarılan "Tibbi sığorta haqqında" qanuna təklif edilən dəyişiklikdə əksini tapıb.

Layihəyə əsasən, icbari tibbi sığortada iştirak etmək niyyətini bildirən aptek təşkilatları ilə qanuna uyğun olaraq müqavilə bağlanılacaq.

Sığortaolunanlara aptek təşkilatları tərəfindən ambulator şəraitdə istifadə olunan dərman vasitələrinin buraxılmasına yalnız icbari tibbi sığorta üzrə məlumat bazasına (elektron informasiya ehtiyatına) ötürülmüş resept əsasında yol veriləcək.

İcbari tibbi sığorta üzrə sığortaolunanların hüquqları sırasına isə aptek təşkilatını seçmək və pozitiv siyahıya daxil olan dərman vasitələri ilə təmin olunmalarını tələb etmək, buraxılan dərman vasitələrinin qiyməti, şərti kompensasiya məbləği və “Dərman vasitələri haqqında” qanununa uyğun olaraq digər məlumatları aptek təşkilatından tələb etmək, o cümlədən aptek təşkilatının təqsiri üzündən dəymiş zərərin əvəzinin ödənilməsini aptek təşkilatından tələb etmək daxil edilir.

Qanun layihəsi səsverməyə çıxarılaraq birinci oxunuşda qəbul edilib.

Oxşar xəbərlər

Aptek təşkilatçıları tibbi sığortanın subyektləri sırasına daxil edilir [xfgiven_updateblue][/xfgiven_updateblue]

İcbari tibbi sığorta çərçivəsində istifadəsinə təminat veriləcək dərmanlar xidmətlər zərfi ilə müəyyən ediləcək [xfgiven_updateblue][/xfgiven_updateblue]

Sünnət əməliyyatı icbari tibbi sığorta hesabına aparılacaq [xfgiven_updateblue][/xfgiven_updateblue]

Ambulator müalicə dərmanlarının icbari tibbi sığorta təminatına alınması I oxunuşda təsdiqlənib [xfgiven_updateblue][/xfgiven_updateblue]

Şöbə müdiri: Ambulator müalicənin dərmanlarını da icbari tibbi sığorta qarşılayacaq [xfgiven_updateblue][/xfgiven_updateblue]