"Qadın səbrli olmalı, hər şeyi nizama salmalıdır"

Ailədə uşağın formalaşmasıda qadının rolu danılmazdır.

Sizinxeber.az xəbər verir ki, bunu Ailə, Qadın və Uşaq Problemləri üzrə Dövlət Komitəsinin sədr müavini Sədaqət Qəhrəmanova "Ailə dəyərləri" mövzusunda açıq dərsdə deyib.

O bildirib ki, analar uşaqlarını ələ almağı bacarmaq üçün onları sevərək böyütməlidir:

"Ana sevgisi çox böyük rol oynayır. Ana sevgi verdikdə övladda da sevgi yaranır. Qadın səbrli olmalı, hər şeyi nizama salmalıdır. Körpə olduqda uşağın ana qayğısına ehtiyacı var, lakin uşaq məktəbə gedəndə atanın rolu meydana çıxır. Bu zaman ata oğluna kişi olmağı öyrətməli, qızına sevgi göstərməlidir".