Əmək və Əhalinin Sosial Müdafiə Nazirliyinin tabeliyində Sosial Xidmətlər Agentliyinin bu il daha beş sosial xidmət mərkəzi fəaliyyətə başlayacaq.

Nazirlikdən "Report"a verilən məlumata görə, onlardan ikisi Bakıda, digərləri Hacıqabul, Göyçay və Ağdam rayonlarında açılacaq.

Bildirilib ki, sosial xidmət mərkəzlərində sosial işçi, psixoloq, sosial pedaqoq, loqoped və aktiv terapevtlər tərəfindən əlilliyi olan uşaqlara və sosial xidmətə ehtiyacı olan digər şəxslərə, ailələrə sosial-reabilitasiya xidmətləri göstəriləcək.

Bununla da Agentliyin sosial xidmət mərkəzlərinin sayı 10-a çatdırılacaq.

Xatırladaq ki, hazırda Abşeron, Sabunçu, Nərimanov, Yasamal sosial xidmət mərkəzləri və Sumqayıt sosial xidmət kabineti fəaliyyət göstərir.

Oxşar xəbərlər

Sosial Xidmətlər Agentliyi bu il 271 repatriantla sosial reabilitasiya işi aparıb

Bu ilin ötən dövründə 271 repatriantla sosial reabilitasiya işi aparılıb

Məişət zorakılığından zərər çəkən 14 şəxsə sosial reabilitasiya xidmətləri göstərilir

Əlilliyi olan 25 min uşağa reabilitasiya xidmətləri göstərilib

Naxçıvanda 5 sosial xidmət müəssisəsi tikiləcək