BMT-nin məlumatlarına görə, qadınlar dünyada elm və texnologiya sahəsində çalışanların yalnız 28%, rəqəmsal texnologiyalar üzrə iş yerlərində isə 22%-ni təşkil edir.

"Sizinxeber.az" xəbər verir ki, bunu Ailə, Qadın və Uşaq Problemləri üzrə Dövlət Komitəsinin sədri Bahar Muradova “İKT-də Qadınlar” layihəsi çərçivəsində keçirilən “Rəqəmsal Sahibkarlıq” müsabiqəsinin qaliblərinin mükafatlandırma mərasimində deyib.

O qeyd edib ki, Azərbaycanda isə İKT sahəsində çalışanların təxminən 30%-qadınlardır: "Lakin texnologiyayönümlü sahibkarlıqdakı payımız cəmi 15% təşkil edir. Bu, bizə bir daha göstərir ki, qadınların innovasiya və rəqəmsal iqtisadiyyata çıxış imkanları daha geniş və sistemli şəkildə dəstəklənməlidir".

B.Muradova vurğulayıb ki, məhz bu hədəflərə xidmət üçün Dövlət Komitəsi, Rəqəmsal İnkişaf və Nəqliyyat Nazirliyi, eləcə də İnnovasiya və Rəqəmsal İnkişaf Agentliyi ilə birgə müsabiqə həyata keçirilib: "Məqsəd qadınların İKT sahəsində təşəbbüslərini stimullaşdırmaq, onların cəmiyyətə təsir edə biləcək layihələrini ön plana çıxarmaq və təşviq etməkdir. Bu müsabiqə UNESCO-nun təşəbbüsü olan və hazırda 70-dən çox ölkədə fəaliyyət göstərən "İnformasiya Hamı üçun" (IFAP) proqramı çərçivəsində reallaşdırılır. Proqramın əsas məqsədi informasiya texnologiyalarına universal çıxışı təmin etmək, o cümlədən qadınlar arasında rəqəmsal bərabərsizliyi aradan qaldırmaqdır".

Oxşar xəbərlər

Bahar Muradova ŞƏT-in Qadınlar Forumunda iştirak edir

Bahar Muradova: Azərbaycanda ibtidai təhsil alan qadınların göstəricisi 98 faiz təşkil edir

Bahar Muradova: Orta Dəhliz TDT ölkələrinin dayanıqlı inkişaf məqsədlərinin təminatçısı rolunu oynayır

Bahar Muradova: Azərbaycan regionda lider dövlətdir, bu liderliyin əldə olunmasında qadınların böyük rolu var

Bahar Muradova: "Ailə Konsepsiyası"nın hazırlanmasına başlanılıb