Üç rayonda küləkli hava ilə bağlı elektrik enerjisinin verilişində yaranan fasilə aradan qaldırılıb - YENİLƏNİB

Qərb bölgəsində müşahidə olunan küləkli hava şəraiti nəticəsində elektrik enerjisinin verilişində yaranan fasilə aradan qaldırılıb.

"Sizinxeber.az"un Qərb bürosunun məlumatına görə, Qazax, Ağstafa və Tovuzun bəzi ərazilərində elektrik enerjisinin verilişi tam bərpa olunub.

Ölkənin qərb bölgəsində küləkli hava şəraiti davam edir.

Qazax, Ağstafa və Tovuzda küləkli hava şəraiti müşahidə olunur, elektrik enerjisinin verilişində fasilələr yaranıb.

"Sizinxeber.az"un Qərb bürosunun məlumatına görə, güclü külək səbəbindən Qazax rayonunun mərkəzində və bir sıra kəndlərində elektrik enerjisinin verlişində fasilələr yaranıb.

Ağstafa və Tovuz rayonunda da küləkli hava şəraiti müşahidə olunub. Qeyri-sabit hava şəraiti nəticəsində Ağstafa rayonunda elektrik enerjisinin verilişində qısa fasilələr olub.

Qeyd edək ki, adı çəkilən rayonlarda küləkli hava şəraiti davam edir.