ABŞ-də kommersiya neft ehtiyatları 428 mln. barelə düşüb

Ötən həftənin yekunlarına görə, ABŞ-də kommersiya neft ehtiyatları 1 844 min barel azalaraq 428 448 min barel təşkil edib.

"Sizinxeber.az-Economics"in məlumatına görə, bu barədə ABŞ-nin Energetika Nazirliyi yanında Energetika İnformasiyası Administrasiyasının (EIA) dərc etdiyi hesabatda bildirilib.

Məlumata əsasən, bundan öncə analitiklər ABŞ-nin kommersiya neft ehtiyatlarının 1 300 min barel azalacağını proqnozlaşdırırdı.

Qeyd edək ki, ABŞ-nin neft ehtiyatları haqqında məlumatlar dünya bazarında "qara qızıl"ın qiymətinə əhəmiyyətli dərəcədə təsir edir.