Bu gün Azərbaycan Milli Mətbuatının təməl daşı sayılan “Əkinçi” qəzetinin nəşrindən 150 il ötür.

Ənənəyə sadiq qalan "Bank Respublika" bu əlamətdar gün münasibətilə ölkənin tanınmış media nümayəndələri üçün növbəti tur təşkil edib.

Səfər çərçivəsində jurnalistlər Şamaxı və Göyçay rayonlarında olublar.

Press-tur Azərbaycan mətbuatının təməlini qoymuş görkəmli ziyalı, maarifçi və publisist Həsən bəy Zərdabinin məzarının ziyarəti ilə başlayıb. Jurnalistlər böyük maarifçinin məzarı önünə gül dəstələri qoyaraq onun xatirəsinə ehtiramlarını bildiriblər.

İki gün davam edən press-tur çərçivəsində media nümayəndələri əvvəlcə "Bank Respublika"nın maliyyə dəstəyi ilə “Tənha anaların sosial inkişafına dəstək” layihəsi çərçivəsində Şamaxıda yaradılmış sosial müəssisəyə baş çəkiblər. Jurnalistlər burada fəaliyyət göstərən qadınların iş şəraiti ilə yaxından tanış olub, onların təşəbbüslərini dəstəkləyiblər.

Səfərin növbəti dayanacağı Göyçay rayonu olub. Burada iştirakçılar "Bank Respublika"nın uzunmüddətli dəstək göstərdiyi yerli biznes təsərrüfatlarından biri olan meyvə bağlarını ziyarət ediblər. Onlara təsərrüfatda yetişdirilən meyvələrin yığımı, çeşidlənməsi və qablaşdırılması prosesi ətraflı şəkildə təqdim olunub.

Press-tur çərçivəsində media nümayəndləri üçün asudə vaxtlarının daha maraqlı keçməsi məqsədilə Şamaxı Safari Park və Şamaxı Astrofizika Rəsədxanasına ekskursiyalar da təşkil olunub.

Daha ətraflı məlumat üçün:
Veb sayt: www.bankrespublika.az
Sosial şəbəkələr:  Facebook | Instagram | LinkedIn | Telegram
Çağrı Mərkəzi: 144

Oxşar xəbərlər

"Azercell" Milli Mətbuat və Jurnalistika Günü münasibətilə media nümayəndələrini təbrik edir

Həmkarlar İttifaqları Konfederasiyası jurnalistləri Xaçmaz, Quba, Qusar rayonlarında istirahət mərkəzləri ilə tanış edib

Yerli və xarici jurnalistlər Türkiyə Böyük Millət Məclisini ziyarət ediblər

BŞTİ rəhbəri Millli Mətbuat Günü münasibətilə media nümayəndələri ilə görüşüb

Jurnalistlər “SOCAR Karbamid” zavodunun istehsalat prosesi ilə tanış olub