Azərbaycan IMF-lə əməkdaşlığı dərinləşdirmək istəyir

Azərbaycan və Beynəlxalq Valyuta Fondu (IMF) arasında mövcud əməkdaşlığın dərinləşdirilməsi və gələcək potensial əməkdaşlıq imkanları müzakirə olunub.

"Report" bu barədə Azərbaycan Mərkəzi Bankına (AMB) istinadən xəbər verir.

Məlumata görə, qurumun sədri Taleh Kazımov IMF-in ölkə üzrə missiya rəhbəri Anna Bordonun rəhbərlik eydiyi nümayəndə heyətini qəbul edib. Görüşdə qlobal iqtisadi trendlər, inflyasiya gözləntiləri, pul siyasətinin ötürücülüyü, banklararası bazarın inkişafı, həmçinin maliyyə sektorunun sabitliyi və dayanıqlılığı ilə bağlı fikir mübadiləsi aparılıb.