"İcraçı Kredit Agentliyi" BOKT ləğv olunur

"İcraçı Kredit Agentliyi" BOKT-un bazarı tərk erməsi Azərbaycan Mərkəzi Bankının ötən ilin noyabr ayında müəyyən etdiyi kapital tələbini yerinə yetirə bilməməsidir.

Bunu "Report"a açıqlamasında BOKT-un İdarə Heyətinin sədri Samir Cəlilov bildirib.

"Kredit təşkilatının kapitalını kənar investor cəlb etməklə artırmaq da mümkün olmadı. Odur ki, ləğvetmə barədə qərar qəbul etdik", - deyə o qeyd edib.

"İcraçı Kredit Agentliyi" MMC bank olmayan kredit təşkilatı (BOKT) ləğv olunduğunu elan edib.

“Report” bu barədə İqtisadiyyat Nazirliyi yanında Dövlət Vergi Xidmətinin “Vergilər” qəzetinə istinadən xəbər verir.

Məlumata görə, kreditorlar iki ay ərzində tələblərini Bakı şəhəri, Yasamal rayonu, Əbdürrəhim bəy Haqverdiyev küçəsi, 574-cü məhəllə, ev 4 ünvanına bildirə bilərlər.

Xatırladaq ki, “İcraçı Kredit Agentliyi” 2002-ci ildə yaradılıb. Onun nizamnamə kapitalı 324 min manatdır.