Dövlət Şəhərsalma və Arxitektura Komitəsinin sədri Anar Quliyev Birləşmiş Millətlər Təşkilatının (BMT) Məskunlaşma Proqramının icraçı direktoru Anaklaudiya Rosbax və Bakı Davamlılıq Koalisiyasının digər üzvləri görüşüb.

"Sizinxeber.az" xəbər verir ki, bunu A.Quliyev "X" sosial şəbəkəsindəki hesabında bildirib.

Onun sözlərinə görə, görüşdə Koalisiyanın COP29-un işə başladığı vaxtdan bəri əldə etdiyi irəliləyişlər vurğulanıb. Xüsusilə, “Davamlı və Sağlam Şəhərlər üçün Çoxsahəli Fəaliyyət Yolları” (MAP) təşəbbüsü üzrə artan beynəlxalq dəstəyi qeyd edilib. MAP təşəbbüsünü artıq 200-dən çox tərəfdaş, o cümlədən 54 milli hökumət, 100-dən çox şəhər və bir sıra beynəlxalq və regional təşkilatlar təsdiqləyib.

"Biz həmçinin Bakı Davamlılıq Koalisiyasının irəliləyişinə dair növbəti addımları da müzakirə etdik. Əsas prioritetlər Koalisiyanın fəaliyyətinin institusionallaşdırılması, tərəfdaşlar şəbəkəsinin genişləndirilməsi və əsas beynəlxalq platformalara COP30 və Ümumdünya Şəhərsalma Forumuna (WUF13) fəal hazırlıqdan ibarətdir", - deyə o qeyd edib.

Oxşar xəbərlər

BMT-də COP29 prezidentliyinin ev sahibliyi ilə "Dayanıqlı və Sağlam Şəhərlər üçün Multisektoral Fəaliyyət Yolları” təşəbbüsü müzakirə olunub

COP29-da Dayanıqlı Şəhərlər üçün Multisektor Fəaliyyət Yolu təsis olunacaq

Bakıda keçiriləcək Dünya Şəhərsalma Forumunun tarixləri dəqiqləşib

2026-cı ildə Azərbaycanda Ümumdünya Şəhər Forumu və Ümumdünya Ətraf Mühit Günü keçiriləcək

COP29: Şəhərsalma Günündə irəli sürülən yeni təşəbbüslər ölkələr arasında əməkdaşlığı gücləndirəcək