Mayın 17-də, saat 00:00-dan Pirşağı-Xırdalan-Novxanı-M4 avtomobil yolu layihəsinin 16-cı kilometrində tikintisi davam edən tunelin giriş hissəsinin qurulması ilə əlaqədar olaraq, İlqar Abdullayev küçəsində (Masazır-Novxanı avtomobil yolu ilə birləşməsindən Saray Polis Bölməsinə qədər olan hissə) nəqliyyat vasitələrinin hərəkəti tam şəkildə məhdudlaşdırılacaq. 

"Report" bu barədə Azərbaycan Avtomobil Yolları Dövlət Agentliyinə istinadən xəbər verir. 

Məlumata görə, məhdudiyyət tikinti işləri bitənə qədər qüvvədə olacaq.

"Sürücülərdən aparılan işlərə anlayışla yanaşmaları, öncədən hərəkət istiqamətinə uyğun alternativ yollardan istifafə etmələri xahiş olunur", - deyə agentlik bəyan edib. 

Oxşar xəbərlər

Masazır-Novxanı yolu birləşməsindən Saray Polis Bölməsinədək avtomobillərin hərəkəti məhdudlaşdırılır

Bilgəh-Novxanı-Sumqayıt yeni avtomobil yolunda hərəkət məhdudlaşdırılacaq

Bakıda Cəlil Məmmədquluzadə küçəsində avtomobillə hərəkət tam məhdudlaşdırılacaq

Bakının Əhməd Rəcəbli küçəsində hərəkət məhdudlaşdırılacaq

Bakının Xəqani küçəsində hərəkət məhdudlaşdırılacaq