Davamlılıq təkcə infrastruktur deyil, etibar və iştirakçılıq da tələb edir.

"Sizinxeber.az" xəbər verir ki, bunu BMT-nin İqlim Təhlükəsizliyi Mexanizminin məsləhətçisi Antonio Sampayo Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində təşkil olunmuş "Daha təhlükəsiz və dayanıqlı şəhərlərin formalaşdırılması: Şəhər iqlimi, sülh və təhlükəsizlik üzrə siyasət sənədinin layihəsi"nin müzakirəsində bildirib.

"Digər mühüm nəticələrdən biri də davamlılığın yalnız fiziki infrastruktur prizmasından qiymətləndirilməməsidir. Bu fikir burada keçirilən konfrans çərçivəsində izlədiyim bir sıra tədbirlərdə də vurğulandı.Bu anlayış yalnız daşqın sədləri, drenaj və ya soyutma sistemləri demək deyil, baxmayaraq ki, həmin infrastruktur elementləri olduqca vacibdir. Davamlılıq eyni zamanda legitimlik, ictimai etibar, inklüzivlik və iştirakçılıq kimi amilləri də əhatə etməlidir. Gələcək üçün xüsusi maraq doğuran istiqamətlərdən biri şəhər təhlükəsizliyi və zorakılığın qarşısının alınmasına cavabdeh olan institutların necə müəyyənləşdirilməsi və gücləndirilməsidir. Burada söhbət yalnız polis və ya yerli təhlükəsizlik qurumlarından getmir. Məktəblər, ailələr, yerli bizneslər, biznes assosiasiyaları, icma təşkilatları və xüsusilə qeyri-rəsmi yaşayış məntəqələrində fəaliyyət göstərən qeyri-rəsmi iştirakçılar da şəhər təhlükəsizliyinin təmin edilməsində mühüm rol oynayır", - deyə o qeyd edib.

Oxşar xəbərlər

Antonio Sampayo: "Ekosistemlərdəki risklər şəhər sistemlərinə zəncirvari təsir edir"

BMT rəsmisi: "Kənddən miqrasiya şəhərdə riskləri artırır"

Antonio Sampayo: "Resurs qıtlığı şəhərlərdə qeyri-sabitliyi gücləndirən əsas amildir"

BMT: İqlim, sülh və təhlükəsizlik yanaşmaları risklərin idarə olunmasına hazırlığı artırır

BMT: İqlim dəyişiklikləri sülh və təhlükəsizlik risklərini artırır