Davamlı mənzil həlləri ekoloji tənəzzülü azalda bilər.

"Sizinxeber.az" xəbər verir ki, bunu BMT-nin Məskunlaşma Proqramının (UN-Habitat) Torpaq, Mənzil və Sığınacaq Bölməsinin rəhbəri, mənzil təminatı üzrə aparıcı mütəxəssisi Ombretta Tempra Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində təşkil olunmuş "Hamı üçün adekvat mənzil üzrə Hökumətlərarası Açıq Tərkibli Ekspert İşçi Qrupu: Mənzil dayanıqlılığı və davamlılığı üzrə sessiyalararası görüş"də bildirib.

"Mənzil sektorunun ətraf mühitə böyük təsir göstərdiyini nəzərə alsaq, o dəyişdiriləcəyi təqdirdə ətraf mühitə çox müsbət təsir göstərmək üçün böyük potensiala malikdir: "Beləliklə, dövri tikinti, məsələn, resurs hasilatını və tullantıları azaldır; bioliqlim dizaynı və enerji səmərəliliyi enerjiyə olan tələbatı və emissiyaları aşağı salır; dam üstü günəş panelləri mərkəzləşdirilməmiş bərpa olunan enerji mənbəyi rolunu oynayır; suyun təkrar istifadəsi sistemi və mavi infrastruktur su istifadəsini və çirklənməni azaldır; davamlı mənbələrdən əldə edilən taxta-şalban və bambuk kimi bio-əsaslı materiallar (digər bir çox həll yolları ilə yanaşı) karbonun saxlanmasına töhfə verir; təbiətə əsaslanan həllər isə havanın keyfiyyətini yaxşılaşdırır və biomüxtəlifliyi dəstəkləyir. Beləliklə, kifayət qədər çox sayda risklərin olmasına baxmayaraq, artıq öyrənilə biləcək və miqyası genişləndiriləcəyi təqdirdə mənzil sektorunun ekoloji tənəzzülə və çirklənməyə göstərdiyi təsiri həqiqətən dəyişdirə biləcək bir çox həll yolları mövcuddur", - deyə o qeyd edib.

Oxşar xəbərlər

Anaklaudia Rossbax: "Adekvat mənzil anlayışı iqlim risklərini də əhatə etməlidir"

UN-Habitat: Davamlılıq milli mənzil siyasətlərində əsas prioritetə çevrilib

UN-Habitat: Ölkələr milli mənzil siyasətlərini yeniləməlidir

UN-Habitat: Miqrantlar, nəqliyyat və boş mənzillər milli siyasətlərdə zəif əks olunur

UN-Habitat: Mənzil siyasəti yoxsulluğu azaltmaqda əsas rol oynayır