Bakıda Narkoloji Tibb Müəssisəsinin tikintisinin davam etdirilməsinə 18,5 milyon manat xərclənəcək

Bakının Sabunçu rayonunun Maştağa qəsəbəsində layihələndirilən İxtisaslaşmış Narkoloji Tibb Müəssisəsinin tikintisinin davam etdirilməsinə 18,472 milyon manat xərclənəcək.

"Report" bu barədə dövlət satınalmalarının vahid internet portalına istinadən xəbər verir.

Məlumata görə, bununla bağlı Səhiyyə Nazirliyinin Tikilməkdə Olan Müəssisələrinin Müdiriyyətinin elan etdiyi açıq tenderin qalibi "Uni Ko" MMC olub.