Abşeron rayonunun Masazır qəsəbəsini “Memar Əcəmi” metrostansiyası ilə əlaqələndirən 525 nömrəli marşrutda Çinin “King Long” markalı 10 avtobusu istismara verilib.

Bu barədə “Report”a Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyindən (AYNA) məlumat verilib.

Məlumata əsasən, 2025-ci ilin istehsalı olan müasir və komfortlu avtobuslar ekoloji cəhətdən təmiz CNG texnologiyası ilə təchiz olunub.

Hazırda sərnişin tələbatına əsasən marşrutda 20 avtobus istismar edilir. Xətdə olan digər avtobusların da yenilənməsi mərhələli qaydada həyata keçiriləcək və proses yaxın zamanda yekunlaşacaq. Daşıyıcı tərəfindən sifariş edilən yeni avtobuslar hesabına xəttə çıxan nəqliyyat vasitələrinin sayı artırılaraq 24-ə çatdırılacaq.

Artıq 525 nömrəli marşrut avtobuslarında ödəniş nağdsız qaydada həyata keçirilir. Bu məqsədlə həm yeni, həm də mövcud olan nəqliyyat vasitələrində müvafiq avadanlıq quraşdırlıb.

Oxşar xəbərlər

AYNA: Bakıda 165 nömrəli marşrutun avtobusları yenilənir

Bakıda daha bir marşrut xəttində avtobuslar yenilənir

62 və 217 nömrəli marşrutlar "BakuBus"a verilib

Bakıda 5 müntəzəm marşrut xəttinə daha yeni avtobuslar cəlb edilir

Bakı-Sumqayıt istiqamətində yeni ekspres avtobus marşrutu istifadəyə verilib