Azərbaycanda aqrar sektor üçün texniki bacarıqları yüksək olan, problemləri həll edən mütəxəssislər yetişdirilməlidir.

"Sizinxeber.az" xəbər verir ki, bunu Kənd Təsərrüfatı Nazirliyinin Aqrar Xidmətlər Agentliyinin sədr müavini Anar Əzimov Bakıda “Ümumdünya Qida Təhlükəsizliyi Günü: Elm fəaliyyətdədir” mövzusunda keçirilən konfransda bildirib.

Onun sözlərinə görə, ali təhsil müəssisələri yalnız tədrisin aparıldığı yer deyil, həm də gələcək peşəkarların inkişaf etdiyi və potensiallarının üzə çıxdığı bir mərkəzə çevrilməlidir: “Qida təhlükəsizliyi çoxşaxəli bir sahədir və biz bu sahə üçün müxtəlif ixtisasları əhatə edən biliklərə malik mütəxəssislər hazırlamalıyıq".

A. Əzimov deyib ki, təhlükəli qidalar bir sıra xəstəliklərə səbəb olur və bu, yalnız ictimai sağlamlığa deyil, eyni zamanda ticarətə də mənfi təsir göstərir: “İstehlakçıların inamının itməsi sonda iqtisadi tənəzzülə gətirib çıxara bilər. Qida təhlükəsizliyi sahəsi ölkənin ümumi rifahına və inkişafına birbaşa təsir edir. Bu kontekstdə ali təhsil müəssisələrinin rolu da ön plana çıxmalıdır".

Oxşar xəbərlər

FAO: Hər il dünyada aqrar bitkilərin 40 %-i zərərvericilər və xəstəliklər səbəbindən itirilir”

Ali təhsildə qida təhlükəsizliyi sahəsində yeni təhsil proqramı yaradılır

Zəkiyyə Mustafayeva: Hər il 125 min uşaq təhlükəli və çirklənmiş qidadan həyatını itirir

Mərkəz rəhbəri: Qida təhlükəsizliyinə nail olmaq üçün kadr potensialı gücləndirilməlidir

Azərbaycanda aqrar sektor 2 %-dən çox böyüyüb