Azərbaycan Dövlət Neft Şirkəti (SOCAR), Qazaxıstanın “KazMunayQaz” (KMG), Rusiyanın “Tatneft” və Özbəkistanın “Uzbeknefteqaz” şirkəti dekarbonizasiya və dayanıqlı təşəbbüslər sahəsində əməkdaşlıq haqqında saziş imzalayıblar.

"Report"un Qazaxıstan bürosu xəbər verir ki, bu barədə KMG-nin mətbuat xidməti məlumat yayıb.

Məlumatda qeyd olunub ki, Astanada "Davamlı inkişaf: dekarbonizasiyaya doğru birgə addımlar" adlı Beynəlxalq konfrans keçirilib. Tədbirdə “KazMunayQaz” (KMG) şirkətinin İdarə Heyətinin sədri Asxat Xasenov, SOCAR-ın prezidenti Rövşən Nəcəf, "Tatneft"in baş direktoru Nail Maqanov və "Uzbeknefteqaz"ın İdarə Heyətinin sədri Baxodirjon Sidikov iştirak ediblər.

Konfransın yekununda şirkətlərin rəhbərləri sözügedən sazişi imzalayıblar.

Sənəd ekoloji cəhətdən təhlükəsiz texnologiyalar və "yaşıl layihələr”in həyata keçirilməsi sahəsində təcrübə mübadiləsini nəzərdə tutur. Bu isə öz növbəsində şirkətlərə dünya enerji bazarlarında iqlim təşəbbüslərini təşviq etməyə imkan verəcək.

Oxşar xəbərlər

KMG rəhbəri Daşkənddə SOCAR, “Tatneft” və “Uzbeknefteqaz” ilə memorandumun həyata keçirilməsini müzakirə edib

Xasenov: “KazMunayQaz”, SOCAR, “Tatneft” və “Uzbekneftqaz” əməkdaşlığı gücləndirir

Prezident İlham Əliyev “Tatneft”, “KazMunayQaz” və “Uzbeknefteqaz” şirkətlərinin rəhbərlərini qəbul edib

Prezident “Tatneft”, “KazMunayQaz” və “Uzbeknefteqaz”ın rəhbərlərini qəbul edib

KMG və SOCAR neft-qaz hasilatında birgə layihələrin icrasını müzakirə edib