Albaniya 2026-cı ildə Trans-Adriatik qaz kəməri (TAP) vasitəsilə Azərbaycandan qaz idxalına başlamağa hazırlaşır.

“Report”un Albaniyaya ezam olunmuş əməkdaşı xəbər verir ki, bunu Albaniyanın infrastruktur və energetika nazirinin müavini Seno Klosi bildirib.

“Albaniya ilk dəfə (2026-cı ildə – red.) TAP boru kəməri ilə qaz alacaq. Qaz kəməri artıq Albaniya ərazisindən keçir və İtaliyaya gedir, lakin gələcəkdə şimala doğru bir qolun çəkilməsi layihəsi müzakirə oluna bilər. Hələlik o, baxılma mərhələsindədir”, – Klosi “Report”un sualına cavabında qeyd edib.

Onun sözlərinə görə, Albaniya qazlaşdırma sahəsində geri qalmağı aradan qaldırmağa çalışır və təchizat layihəsini strateji hesab edir.

Qeyd edək ki, TAP-ın 2026-cı ildən etibarən əlavə olaraq ildə 1,2 milyard kubmetr qaz qəbul edəcəyi planlaşdırılır. Bunun 1 milyard kubmetrini İtaliya, daha 200 milyon kubmetrini isə Albaniya alacaq.

Oxşar xəbərlər

Seno Klosi: Azərbaycan Albaniyanın enerji sektorunda strateji tərəfdaşıdır

Klosi: Azərbaycanla əməkdaşlıq Albaniyaya qaz infrastrukturunun inkişafını sürətləndirməyə kömək edəcək

Albaniyalı nazir müavini: Azərbaycanı enerji sektorunda ən yaxın strateji tərəfdaşlardan biri hesab edirik

Azərbaycan Avropaya 4 milyard kubmetr qaz ixrac edib

Azərbaycan Avropaya 2 milyard kubmetrə yaxın qaz ixrac edib