İlham Mirzəliyevin Lerikdəki vətəndaş qəbulunun vaxtı dəyişdirilib

“Azəristiliktəchizat” ASC-nin sədri İlham Mirzəliyevin Lerik rayonunda Lerik, Lənkəran və Astara sakinləri üçün keçirilməsi nəzərdə tutulan vətəndaş qəbulunun tarixi dəyişdirilib.

Bu barədə “Report”a qurumdan məlumat verilib.

Məlumata görə, qəbul mayın 23-də saat 10:00-da Lerik rayonu, Lerik Dövlət Aqrar İnkişaf Mərkəzində keçiriləcək.

Bildirilib ki, qəbul zamanı istilik və isti su təchizatı ilə bağlı vətəndaşları maraqlandıran suallar cavablandırılacaq, istilik təchizatına dair sakinlərin problemləri dinləniləcək.