Pərviz Şahbazov Britaniyada Azərbaycanın “yaşıl enerji” potensialını müzakirə edib

Azərbaycanın energetika naziri Pərviz Şahbazov Böyük Britaniyadakı “Richborough” enerji parkına səfər edib və Azərbaycanda “yaşıl enerji” potensialını müzakirə edib.

“Report” xəbər verir ki, bu barədə Böyük Britaniyanın Azərbaycandakı səfirliyinin “X” sosial şəbəkəsindəki hesabında paylaşım edilib.

"Britaniya şirkəti “Pacificgreen” tərəfindən təşkil edilmiş “Richborough” enerji parkına səfər zamanı Pərviz Şahbazov Böyük Britaniya-Belçika şəbəkələrarası bağlantı, həmçinin Mərakeş - Böyük Britaniya enerji əlaqəsinin qurulması üzrə “XLinks” layihəsi (Xlinks Morocco-UK Power Project) ilə tanış olub. Bununla yanaşı, Azərbaycanın “yaşıl enerji” potensialı və bu istiqamətdə mümkün gələcək əməkdaşlıq öyrənilib", - paylaşımda bildirilib.

An insightful visit to Richborough Energy Park by @pacificgreen_ with @ParvizShahbazov highlighting innovative battery storage, - grid interconnector & - Power Project by XLinks.

We also explored ’s green energy potential and possible future collaboration pic.twitter.com/OtBEMp5XYb

— UK in Azerbaijan (@ukinazerbaijan) May 2, 2025