Azərbaycanın ekoloji vəziyyətinin peyk sistemləri vasitəsilə izlənilməsi zəruridir.

Bu barədə “Sizinxeber.az”a açıqlamasında Yaponiyanın “Synspective” şirkətinin baş direktoru, Sinqapur vətəndaşı Vinsent Kesler bildirib.

Onun sözlərinə görə, Azərbaycanın geniş su hövzələrinə və zəngin təbii resurslara malik olması ekoloji nəzarətin daha müasir vasitələrlə həyata keçirilməsini tələb edir:

“Azərbaycanın Xəzər dənizindəki su hövzələri neft axtarışları və hasilatı nəticəsində ətraf mühitə təsir altındadır. Peyk məlumatlarından istifadə etməklə bu fəaliyyətlərin təsirlərini daha dəqiq qiymətləndirmək və dənizi qorumaq mümkündür”.

V. Kesler əlavə edib ki, Azərbaycanın ərazisi Sinqapurla müqayisədə xeyli genişdir və bu, ekoloji risklərin - torpaq sürüşməsi, yanğınlar və digər təbii fəlakətlərin - daha geniş miqyasda müşahidəsini zəruri edir:

“Bu cür risklərin izlənilməsi üçün peyk texnologiyaları ən effektiv alətlərdən biridir. Ərazinin ölçüsü və iqlim müxtəlifliyi nəzərə alınarsa, Azərbaycan bu texnologiyaların tətbiqi üçün çox əlverişli ölkədir”.

O həmçinin bildirib ki, rəhbərlik etdiyi “Synspective” şirkəti artıq Hindistan, İndoneziya və Tailandda ekoloji monitorinq üzrə analoji peyk layihələrini uğurla həyata keçirib və bu təcrübəni Azərbaycana da tətbiq etməyə hazırdır.

Oxşar xəbərlər

Rəşad Nəbiyev: Azərbaycan ekoloji dəyişiklikləri izləmək üçün peyk müşahidələrindən fəal istifadə edir

Çin şirkəti Azərbaycanın bölgələrində peyk rabitəsi xidmətinə dəstək olacaq

Könül Əhmədsoy: “Xəzər regionunda ən sərt ekoloji standartlar tətbiq edilməlidir”

"Azərkosmos": Metan qazının təsirini öyrənməkdə peyk görüntüləri vacib rol oynayır

Dövlət Ekoloji Ekspertiza Agentliyi: Xəzərdəki layihələrdə ən sərt ekoloji standartların tətbiqi vacibdir