Ölkə ərazisində hava şəraitinin dəyişməsi, küləkli və qeyri-sabit keçməsi ilə əlaqədar Azərbaycan Dövlət Neft Şirkətinin (SOCAR) “Azneft” İstehsalat Birliyinin istehsalat sahələrində təhlükəsizlik tədbirləri gücləndirilib.

Bu barədə “Sizinxeber.az”un sorğusuna cavab olaraq SOCAR-dan bildirilib.

Bildirilib ki, əmək normaları çərçivəsində işçilərin sağlamlığının qorunması məqsədilə zəruri tədbirlər həyata keçirilib: "Bütün sahələrdə maarifləndirmə işləri aparılır, mövcud vəziyyət daim nəzarətdə saxlanılır".

Xatırladaq ki, Bakı və Abşeron yarımadasında aprelin 14-dən 15-nə keçən gecədən başlayaraq hava şəraitinin fasilələrlə yağıntılı olacağı, şimşək çaxacağı, yağışın leysan xarakterli olacağı, arabir intensivləşəcəyi gözlənilir. Aprelin 16-da yağışın aramsız güclü olacağı ehtimalı yüksəkdir. Prosesin şimşək və güclü küləklə müşayiət olunacağı gözlənilir. Gözlənilən intensiv və güclü yağışla əlaqədar Abşeron yarımadasının bəzi ərazilərində subasma halları istisna olunmur.

Oxşar xəbərlər

SOCAR hava şəraiti ilə bağlı təhlükəsizlik tədbirlərini gücləndirib

Növbəti iki gündə Bakıda leysan yağacaq, subasma halları istisna olunmur - XƏBƏRDARLIQ

SOCAR: Hava kəskin dəyişdiyi üçün istehsalatda təhlükəsizlik tədbirləri gücləndirilib

SOCAR hava şəraitinə görə istehsalatda təhlükəsizlik tədbirlərini gücləndirib

SOCAR: Havanın kəskin dəyişməsinə görə təhlükəsizlik tədbirləri gücləndirilib