Avropa Yenidənqurma və İnkişaf Bankı (EBRD) Azərbaycanın “yaşıl enerji”nın ixracı ilə bağlı təşəbbüslərini fəal şəkildə araşdırır.

Bunu “Report”a müsahibəsində EBRD-nin Dayanıqlı İnfrastruktur Qrupunun idarəedici direktoru Harri Boyd-Karpenter bildirib.

“Azərbaycan ənənəvi olaraq karbohidrogen ixracatçısıdır, lakin bu gün o, “yaşıl enerji"nin – həm özünün, həm də potensial olaraq Mərkəzi Asiyadan gələcək tranzit enerjinin ixracatçısı rolunu üzərinə götürməyə çalışır. Bu, COP29 gündəliyinin prioritetlərindən biridir və biz bu cür təşəbbüsləri fəal şəkildə araşdırırıq. Bu layihələr hələ ilkin mərhələdə olduğundan onlar irimiqyaslı və texniki cəhətdən mürəkkəbdirlər, amma biz mümkün maliyyələşdirmə mexanizmlərini müzakirə edirik və onların strukturlaşdırılmasında beynəlxalq təcrübəni bölüşməyə hazırıq”, - o qeyd edib.

H.Karpenter deyib ki, onların məqsədi bütün tərəflərin: həm istehsalçıların, həm də davamlı enerji istehlakçılarının maraqlarını nəzərə alan həllər yaratmaqdır.

Müsahibənin tam mətni ilə buradan tanış ola bilərsiniz.

Oxşar xəbərlər

Azərbaycan EBRD ilə əməkdaşlığın prioritet istiqamətlərini müzakirə edib

İdarəedici direktor: "EBRD COP29-da mühüm kredit sazişləri imzalamağa hazırlaşır"

Sahil Babayev: "EBRD-nin maliyyə dəstəyi ilə "yaşıl enerji" layihələrinin tətbiqi genişlənib"

EBRD iqlim strategiyası üzrə yeni idarəedici direktor təyin edib

EBRD prezidenti COP29-da bankın nümayəndə heyətinə rəhbərlik edəcək