Özbəkistan Paris Sazişi çərçivəsində istixana qazı emissiyalarının 35 % azaldılması üzrə götürdüyü öhdəlikləri vaxtından əvvəl yerinə yetirmək üçün səylərini əsirgəməyəcəyinə söz verib.

“Report”un Səmərqəndə ezam olunmuş müxbirinin məlumatına görə, bunu Özbəkistan Prezidenti Şavkat Mirziyoyev "Mərkəzi Asiya - Avropa İttifaqı" sammiti çərçivəsində keçirilən Beynəlxalq İqlim Forumunun açılışında bildirib.

O, Özbəkistanın resurs qoruyucu və ekoloji təmiz iqtisadi inkişaf modelinə keçid etməyə başladığını və "yaşıl enerji”nin burada əsas istiqamətlərdən biri olaraq qaldığını xatırladıb.

"Növbəti beş ildə ümumi enerji balansında bərpa olunan enerji mənbələrinin payını 54 %-ə çatdırmağı planlaşdırırıq. Bu, istixana qazı emissiyalarının həcmini təxminən 16 milyon ton azaltmağa imkan verəcək. Biz Özbəkistanın Paris Sazişi çərçivəsində istixana qazı emissiyalarının 35 % azaldılması üzrə götürdüyü öhdəliklərinin vaxtından əvvəl yerinə yetirilməsi üçün səylərimizi əsirgəməyəcəyik", - Prezident qeyd edib.

Ş. Mirziyoyev əlavə edib ki, ümumi strateji vəzifələrin həyata keçirilməsi çərçivəsində forumda regionun "yaşıl inkişaf” konsepsiyası təqdim ediləcək: "Əminəm ki, onun qəbul edilməsi və həyata keçirilməsi Mərkəzi Asiyanın ekoloji yönümlü inkişafı üçün möhkəm təməl yaradacaq".

Oxşar xəbərlər

Pərviz Şahbazov: “Karbon qazı emissiyalarının azaldılması Azərbaycanın enerji gündəliyində mühüm yer tutur”

Nazir: "Azərbaycan-Qazaxıstan-Özbəkistan sazişi Orta Dəhliz anlayışını "yaşıl enerji" sahəsində də genişləndirəcək"

Dünyada istixana qazı emissiyalarının 80 %-i 57 şirkətin payına düşür

MM Azərbaycan, Qazaxıstan və Özbəkistan arasındakı yaşıl enerji sahəsində tərəfdaşlıq sazişini ratifikasiya edib

Anar Quliyev: "İstixana qazı emissiyalarının 40 %-dən çoxu şəhərlərin payına düşür"