Dünya bazarı üçün əsas göstəricilərdən biri olan Avropanın yeraltı anbarlarında qaz ehtiyatlarının səviyyəsi onların tutumunun 50 %-dən aşağı düşüb.

“Sizinxeber.az” xəbər verir ki, bu barədə “İnterfaks” “Gas Infrastructure Europe” şirkətinin məlumatlarına istinadən məlumat yayıb.

Fevralın 6-na olan vəziyyətə əsasən, ehtiyatların səviyyəsi 49,95 % təşkil edib. Bu göstərici son beş ilin orta səviyyəsindən (58,04 %) 8 faiz bəndi aşağıdır. GIE-nin 2011-ci ildən apardığı müşahidələrə əsasən, bu tarixdə doqquz il ərzində ehtiyatlar daha yüksək olub, beş il isə indiki səviyyədən aşağı olub.

Üstəlik, Avropada havanın temperaturu kəskin soyuq deyil və iqlim normasına uyğundur. Yanvar ayında Avropada orta temperatur həm normadan, həm də ötən ilin göstəricilərindən 1 dərəcə yüksək olub. Fevral ayında isə temperaturun iqlim norması səviyyəsində və 2024-cü ilin eyni ayı ilə müqayisədə 4 dərəcə aşağı olacağı proqnozlaşdırılır.

Qazın cari mövsümdə intensiv istifadəsi səbəbindən Avropanın yeraltı qaz anbarlarının ehtiyatlarını yay aylarında artırmaq və istifadə mövsümünün başlanmasına qədər 90 %-lik hədəfə çatdırmaq üçün daha çox tədarükə ehtiyac olacaq. “Qazprom”dan qaz tədarükünə qoyulan məhdudiyyətlər fonunda Avropa İttifaqının bu direktivinə əməl etməsi, 2025-ci ildə qlobal qaz qiymətlərinə ciddi dəstək verəcək.

Hazırda Avropada qazın qiyməti min kubmetr üçün 600 ABŞ dolları səviyyəsindədir. Niderlandın TTF qovşağında fevralın 7-də “bir gün əvvəldən” tipli müqavilə 594 ABŞ dolları səviyyəsində bağlanıb.

Bundan əlavə, Avropa enerji sektoru qaz istehsalı ilə külək elektrik stansiyalarından enerji təchizatındakı kəsiri kompensasiya etməyə məcburdur. 2025-ci ilin fevral ayının ilk həftəsində külək turbinləri Avropanın elektrik enerjisi tələbatının cəmi 12 %-ni təmin edib. Halbuki 2024-cü ilin eyni dövründə bu göstərici təxminən iki dəfə yüksək - 22 % olub.

Oxşar xəbərlər

May ayında bəzi yerlərdə havanın temperaturu iqlim normasından yüksək olacaq

Sentyabr ayına olan hava proqnozu açıqlanıb

Bəzi ərazilərdə yağıntının miqdarı normadan çox olacaq - Sentyabrın hava PROQNOZU

Gələn ay bəzi ərazilərdə yağıntılar normadan bir qədər çox olacaq - PROQNOZ

Dekabrda orta aylıq temperatur iqlim normasına yaxın olacaq - AYLIQ PROQNOZ