Avropa Komissiyası (AK) yaxın həftələrdə Avropa İttifaqının (Aİ) enerji müstəqilliyini gücləndirəcək və qalıq yanacaq qiymətlərinin dəyişməsindən asılılığını azaldacaq əlçətan enerji üzrə fəaliyyət planını təqdim edəcək.

“Report” xəbər verir ki, bu barədə AK rəhbəri Ursula fon der Lyayen Qdanskda Polşanın Baş naziri Donald Tusk ilə birgə mətbuat konfransında bildirib.

“Enerji resurslarının, məsələn, qazın alınmasında gücümüzü birləşdirsək, bazara ayrı-ayrı üzv dövlətlər kimi deyil, birlikdə 27 ölkə kimi daxil olmaqla mövqeyimizi xeyli gücləndirmiş olarıq”, - o deyib.

Komissarın fikrincə, belə kollektiv yanaşma Aİ-yə enerji və qalıq yanacaq bazarının dəyişkənliyindən asılılığını azaltmağa və transsərhəd əlaqələrə və şəbəkələrə lazımi investisiyaları təmin etməyə imkan verəcək.

Fon der Lyayen enerji qiymətlərinin aşağı salınmasının bu il Aİ üçün əsas prioritet olduğunu da vurğulayıb.

Oxşar xəbərlər

Ursula fon der Lyayen: Aİ-yə Rusiyanın enerji resurslarından tam imtina planı təqdim ediləcək

Ursula fon der Lyayen: Avropa Komissiyası Aİ-nin müdafiəsinin gücləndirilməsi strategiyasını təqdim edəcək

Avropa Komissiyası Ukraynaya enerji infrastrukturu üçün 40 milyon avro ayırıb

Ursula Fon der Lyayen Prezident İlham Əliyevə zəng edib

İlham Əliyev Ursula Fon der Lyayenə Brüssel görüşü ilə bağlı Azərbaycan tərəfinin mövqeyini bildirib