“Azərişıq” ASC “ASAN Xidmət” mərkəzlərində göstərilən xidmətlərin sayını artırıb

Son səkkiz il ərzində “Azərişıq” ASC-nin ASAN Xidmət mərkəzlərində vətəndaşlara göstərilən xidmətlərin sayı 8-dən 18-ə yüksəlib.

"Sizinxeber.az" xəbər verir ki, bu barədə “Azərişıq” ASC-nin ASAN Xidmətlə İş və Elektron Xidmətlər Departamentinin direktor müavini İnam Yusifov Zəngilanda keçirilən mətbuat konfransında bildirib.

Onun sözlərinə görə, vətəndaşlara təqdim olunan xidmətlərin sadələşdirilməsi və əlçatanlığının artırılması istiqamətində görülən işlər uğurlu nəticələr verib: “Əvvəllər müraciətlər 7 prosedurdan ibarət idisə, bu gün proses cəmi 2 prosedurla yekunlaşır. Bunun sayəsində şəbəkəyə qoşulma müddəti 41 gündən 20 günə endirilib”.

İ.Yusifov əlavə edib ki, hazırda “Azərişıq” ASC 15 elektron xidmət təqdim edir və vətəndaşlar bu xidmətlərdən onlayn şəkildə faydalana bilirlər.

“Ötən il sahibkarlıq subyektlərinin 53,4 %-i müraciətlərini elektron qaydada həyata keçirib”, - deyə o vurğulayıb.

Oxşar xəbərlər

“ASAN xidmət indeksi” üzrə 2023-cü il qiymətləndirmə nəticələrinə dair təqdimat keçirilib

Sabah “ASAN xidmət” və “ASAN kommunal” mərkəzlərində qeyri-iş günü olacaq

“Azərişiq” Lənkəranda sahibkarlarla görüş keçirib - FOTO

"ASAN xidmət" və "ASAN kommunal" mərkəzlərinin bayram günlərində iş qrafiki açıqlanıb

“ASAN xidmət” və “ASAN kommunal”ın bayram günlərində iş qrafiki açıqlanıb