Avstraliya 2022-ci ildən bəri ilk dəfə Avropaya mayeləşdirilmiş təbii qaz partiyası göndərib

Avstraliya 2022-ci ildən bəri ilk dəfə Avropaya mayeləşdirilmiş təbii qaz (LPG) partiyası ilə yüklənmiş gəmi göndərib.

“Sizinxeber.az” TASS-a istinadən xəbər verir ki, bu barədə “Bloomberg” agentliyi məlumat yayıb.

“Elisa Ardea” gəmisi bu yaxınlarda Avstraliyadakı “Wheatstone LNG” maye qaz istehsalı zavoduna yan alıb və oradan Fransanın Dünkerk limanına doğru hərəkət etməlidir. Dəniz nəqliyyatı ilə tədarük Avropaya "Rusiya boru kəməri yanacağının itkisini" əvəz etmək üçün lazımdır.

Məlumata görə, Avropa sonuncu dəfə 2022-ci ilin noyabrında Avstraliyadan LPG alıb. Ötən il Avstraliyadan LPG tədarükünün bütün həcmi Asiya ölkələrinin payına düşüb.