Azərbaycan neft hasilatı, sənaye və elm sahələrində Rusiya şirkətləri ilə əməkdaşlığa hazırdır.

“Report” "İnterfaks"a istinadən xəbər verir ki, bunu Azərbaycanın Rusiyadakı səfiri Rəhman Mustafayev bu gün Yekaterinburqda jurnalistlərə bildirib.

Səfir vurğulayıb ki, Azərbaycan neft hasilatı sahəsində əlaqələri və münasibətləri aktivləşdirmək üçün çox yaxşı zəmin və şərtlərə malikdir.

"Əlbəttə ki, biz təkcə neft hasilatı və neft-qaz sahəsində deyil, bütün spektr üzrə əməkdaşlıqda maraqlıyıq. Ural federal dairəsi və Sverdlovsk vilayəti sənaye və elmi potensial baxımından Rusiyanın mərkəzi regionlarıdır. Rusiya Federasiyasında lider olduğunuz bütün istiqamətlərdə qarşılıqlı fəaliyyət və əməkdaşlıq üçün perspektivlər görürük", - o qeyd edib.

Qeyd edək ki, Sverdlovsk vilayətində dörd neft yatağı kəşf edilib.

Oxşar xəbərlər

“Fitch”: SOCAR 2023-2025-ci illərdə hasilatı artıracaq

Azərbaycan Prezidenti: Bizə sabit neft hasilatı lazımdır və investorlar qarşısında bu vəzifəni qoymuşuq

EIA 2024-cü il üçün Azərbaycanda neft hasilatı proqnozunu aşağı salıb

Liviya neft hasilatını gündə 1,3 milyon barelə qədər artırıb

OPEC oktyabrda Azərbaycanda gündəlik neft hasilatının həcmini açıqlayıb