Norveçin "Equinor" şirkəti yerli vaxtla oktyabrın 22-də səhər saat 04:40-da "Sleipner" platformasının paylayıcı otağında tüstülənmə olduğunu bildirib.

Bu barədə “Sizinxeber.az” şirkətin məlumatına istinadən xəbər verir.

"Equinor"un məlumatına görə, "Skandi Mongstad" gəmisi həmin əraziyə göndərilib.

"Sleipner B" Şimal dənizində, "Sleipner-A" platformasından 12,5 km məsafədə yerləşən pilotsuz hasilat platformasıdır.

"İstehsal dayandırılıb, obyektdə təzyiq azaldılıb", - deyə məlumatda qeyd edilib.

"Sleipner" platformalarının ümumi texniki tutumu sutkada 16,9 milyon kubmetr (illik 6,2 milyard kubmetr) təşkil edir. Layihə "Sleipner Ost", "Gungne" və "Sleipner Vest" qaz-kondensat yataqlarını əhatə edir. Qurğulara həmçinin "Sigyn", "Volve", "Gudrun" və "Gina Krog" yataqlarından karbohidrogenlər daxil olur.

Norveç hazırda Avropanın əsas boru kəməri qaz təchizatçısıdır.

Oxşar xəbərlər

"Equinor" Azərbaycandakı layihələrindən birində payını SOCAR-a satmaq üzrə sövdələşməni başa çatdırıb

Bu ilin əvvəlindən “Abşeron” yatağından 1,1 milyard kubmetr qaz hasil edilib

Norveç şirkəti hidrogenin Almaniyaya ixracı ilə bağlı fikrini dəyişib

Azərbaycandan Avropaya 9 milyard kubmetrdən çox qaz ixrac olunub

Bu il Azərbaycan 18 milyon tona yaxın neft-kondensat ixrac edib